ابوذیّات درر وحکم
ابحذر سد درب الیحوفک طبع بیک
الیضدنی ابکرهه وابحقده طبع بیک
اشو متبدّل او تزهد طبع بیک
امن اسلّم ما ترد تافخ علیّه
***
بنیت المجد لحبابی وسبنی
او نطرنی البایع الغیری وسبنی
ابشرار اسیاده هدّدنی وسبنی
او یدهرب بالبطل وایذب علیّه
***
نزل وحی النبوّه العرب شفنه
اتّحدنه ابجاهه من کل الم شفنه
الکرم و الجود احس انغرض شفنه
السبب حرثوا شریعتنه الزهیّه
***
ابخلاصه انقل الک مستمر موجز
الیضر باحکام رب الکون موجز
الطافش لو تربطه ابجبل موجز
الثگل میفیده بخلاقه الاذیّه
***
کلام البیه اثر بیه درر واحکام
اچّم ملحد ابزوده انقهر وحکام
ابکتاب اللّه او رسوله استند وحکام
البشر خلق اللّه و عدل بالوصیّه
...
الیطب بنگابه بیت او یخل مجرم
النبی ابذاته فلا ضر طفل مجرم
الیحب دینه او حیاته او وطن مجرم
الیمس خلق اللّه نار ابشیب ابیّه
***
ارید احچی واطگ الهاک بالهاک
واخلّی النّاس کلهه اتصیح بالهاک
تهکّرنی او ترید انساک بالهاک
او صرت مجنون گمت اتعیل بیّه
...
ارید اصرخ و اصیحن حیل واوای
الگلب متروس بیه اهموم واوای
اخاف احچی و احس بالزور واوای
او یعنفش من یشوف الزود الیّه
***
یضوگ الطابخه الذب فتن من هان
الیحچی الصدگ دوم الدهر من هان
اگلّه الدرب هان ایگول من هان
القصد یرمینی بحلوگ افعهیّه
***
یدنیا انتی ابحرب طاحن بدیتی
علیّه ابیا ذنب عذرچ بدیتی
تندمینی او مدام الرز بدیتی
ابفرد ضغطه او یشیل الگاع بیّه
...
ابغضبنه النه ابتسامه و النه هیبه
او بالمعروف امرنه والنه هیبه
الیماکرنه اعلی حگنه والنه هیبه
اذا میکفنه نبلیه ابردیّه
***
ما هو ابمستوانه و الشتمنی
یضل ینعی ابگفانه والشتمنی
انعم اللّه من عفانه والشتمنی
علیه بالعافیه او لا یمر بیّه
***
جاسم ثعلبی (الحسّانی) 10/03/1400
.jpeg)
:: برچسب‌ها:
ابوذیّات درر وحکم ,
:: بازدید از این مطلب : 951
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
